കാത്തിരിപ്പ്‌ ....

             അലഒടുങ്ങാത്ത സാഗരതീരത്

             കലിഒടുങ്ങാത്ത ജീവിതം നല്‍കിയ

            അലയുമാത്മവ്യധകളുംപേറിയീ 

            അലസസന്ധ്യയില്‍ നിന്നെയുംകാത്തു ഞാന്‍......

           അഴലിന്നാഴക്കയങ്ങളില്‍ മുങ്ങിയെന്‍
           അരുമസ്വപ്നങ്ങള്‍ചത്തുകിടക്കുന്നു
           അരുണദീപ്തം ചക്രവാളത്തില്‍ ഈ
           അശുഭവാഴ്വിന്റെ സങ്കടം നിറയുന്നു!

           ഇരുളില്‍ മുങ്ങുന്നു സാഗരം തീരവും
           ഇരുളും  ഓര്‍മ്മകള്‍ മാത്രമെന്‍ കൂട്ടിനായി
          തിരകള്‍ വന്നെന്റെ കാല്പ്പടംചുംബിച്ചു
         തിരികെപോവുക പഥികയെന്നോതുന്നു .........

        അകലെആകാശ ചരുവിലൊരു താരകം
       കണ്ണുചിമ്മി ചിരിക്കാന്‍ തുടങ്ങവേ
       കലിപിടിച്ചോരീ നഗരരാത്രികള്‍

       രുധിരനേത്രംതുറക്കുന്നു പിന്നെയും !

       രൌദ്രവേഷങ്ങള്‍ ആടിതിമെര്‍ക്കുമീ

      നടനശാലയില്‍ തിരശീലയുയരവേ

       നഗ്നയായ്‌നിന്ന് കേഴുന്നു ദ്രൗപതി

       അട്ടഹാസങ്ങള്‍ ചുറ്റും മുഴങ്ങുന്നു.........

      രക്തപൂജക്ക്ഒരുങ്ങും ത്രിശൂലങ്ങള്‍

        ഹോമകുന്ടത്തില്‍ പൊട്ടും ശിരസുകള്‍

        നഗ്ന താണ്ടവമാടുംകബന്ധങ്ങള്‍

        കത്തിയാളുന്ന വീടുകള്‍ വീഥികള്‍ .......

       അമ്മയേകിയ പൊന്നുമ്മ സ്വീകരി-

      ച്ചോടിയെതിയ പൈതലിന്‍ കവ്തുകം
       അക്ഷരത്തിന്റെ കൂടെ പഠിക്കുന്നു
      അക്രമത്തിന്റെ തന്ത്രവും മന്ത്രവും ......

      ബോംബു  വാക്കത്തി ഏറുപടക്കങ്ങള്‍
      കുന്തം കുറുവടി വടിവാളിങ്ങനെ
       നാമമോരോന്നു ചൊല്ലിപടിചിവന്‍
       നാളെ രക്തസാക്ഷിത്വം വരിക്കുന്നു ....!

       രാത്രി നീളുന്നു ,കാതിരിപ്പെന്റെയും
       നീ വരില്ലേ ?കിനാവിന്റെ തീരത്ത്
        സ്നേഹം പുഷ്പിച്ച ചില്ലയും ,കൈകളില്‍
       നന്മ വാറ്റിതെളിച്ച വിലക്കുമായി .......?

        അന്തരെങ്ങത്തില്‍ തംബുരു മീട്ടിയെന്‍
        അന്ത്യയാത്രക്ക് മംഗളം പാടുവാന്‍
        അന്ധവേഗത്തില്‍ പായുന്ന വാഴ്വിതില്‍
         അന്ത്യ ച്ചുംബനമേകാന്‍ വരില്ലേ നീ .........?!